Moment trishtues, Porsche fluturon në mes të autostradës

Një burrë ishte duke udhëtuar me makinë me një shpejtësi të madhe në rrugët e lagura, kur papritmas humb kontrollin dhe përfundon duke fluturuar me makinë.

Kamerat e sigurisë në një autostradë në Rusi, kanë kapur momentet kur shoferi i veturës sportive Porsche humb kontrollin, dhe rrotullohet disa herë në ajër për shkak të shpejtësisë së madhe.

Në videon e publikuar në ueb-faqe të ndryshme, shihet se si vetura rrëshqet në rrugët e lagura nga shiu, dhe për disa sekonda qëndron në ajër dhe në fund përplaset për një muri të betonit, raporton Mirror.

Mediat ruse kanë raportuar se përpos shoferit në veturë gjendej edhe një femër, ndërsa sipas raportit të policisë thuhet se që të dy nuk i kishin vënë rripat e sigurisë në momentin kur fluturuan në ajër. VIDEO