Hillary Clinton goditet me këpucë në skenë – VIDEO

Ish numri një i diplomacisë amerikane, Hillay Clinton është gjuajtur me një këpucë nga një grua në Las Vegas, derisa po mbante një fjalim në një tubim, për riciklimin e metaleve. 

Clinton ka arritur t’i shmanget goditjes, dhe menjëherë është munduar ta kthejë në shaka.

“Ishte ndonjë lakuriq nate. Apo gjuajti dikush në mua”. “O Zot, nuk e dija që menaxhimi i mbetjeve të ngurta është kaq i diskutueshëm. Mirë që ajo di të luaj softball si unë", tha Clinton me shaka.  

I njëjta gjë i ka ndodhur në vitin 2008 edhe George W. Bush në Bagdad, i cili u godit me këpucë nga një irakian. 

Gruaja, e cila kreu veprimin, u ndalua menjëherë nga rojet e sigurisë. Arsyet e këtij akti janë të paqarta.video