Topmodelja shqiptare çmend publikun gjerman

Topmodelja 23-vjeçare, Iris Shala, e lindur në Prishtinë dhe banuese në Graz të Austrisë po vazhdon të “çmendë” publikun gjerman me fizikun e saj.

Irisi që pas titullit të marrë si "Playmate July 2013", titull që e shpall revista gjermane për meshkuj "Playboy", është bërë një ndër trajnieret personale të fituesit, nga më të kërkuarat në Austri.

Ajo është e njohur po ashtu edhe nga një rol që ajo ka luajtur në serialin e njohur gjerman "Anna und die Liebe" (Ana dhe dashuria). Në Austri ajo ka fituar vendin e tetë në një garë për topmodelen më të mirë. Irisi ka lindur më10 gusht të vitit 1990 në Prishtinë, dhe i bie që të jetë 23 vjeç.

Në intervistat që ka dhënë për mediat e ndryshme austriake dhe gjermane, Irisi thotë se gjithmonë ka pasur një pasion për aktrimin. Ajo shpjegon se aktrimin e ka si një lloj trashëgimie, pasi gjyshi i saj,Abdurrahman Shala, ka qenë një aktor i shquar i gjeneratës së parë të aktorëve të teatrit dhe të filmit në Kosovë.