Qemajl Mustafa: Thaçi është përgjegjës për humbjen në Gjilan

Kandidati për Kryetar të Gjilanit, Qemajl Mustafa, fajin për humbjen në raundin e parë ia ka tribuuar Kryetarit të PDK-së dhe Kryeministrit të vendit, Hashim Thaçit.

“Më së shumti është fajtor qendra”, ka thënë ai, në një prononcim për televizionin Klan Kosova.
Ndërhyrjet e qendrës për ta vendosur këtë apo atë për kandidat për kryetar, pastaj kemi pasur mungesë të investimeve.
Më pas, ai gishtin e ka drejtuar direkt te Hashim Thaçi.

“Unë sot kam biseduar edhe me Kryeministrin, si eprori me vartësin e tij, dhe ia kam thënë gjithë këto. Ai ka të meta si Kryetar i partisë dhe si Kryeministër. Njerëzit nuk e kanë votuar Lutfi Hazirin për ndonjë vlerë, por kanë votuar atë për ta dënuar PDK-n”, ka thënë Mustafa.

Gjatë kësaj fushate, Kryeministri Hashim Thaçi ka qenë shumë aktiv në përkrahje të Qemajl Mustafës, por kjo nuk e ka kënaqur këtë të fundit.

“Nuk mjafton vetëm fushata. Është dashur të vijë vazhdimisht dhe të investojë”, ka thënë Mustafa pak çaste më parë.