Afera “pronto”, nën hetime
Biseda telefonike në mes të Adem Grabovcit dhe Sami Lushtakut në kanalin “y.o.u.t.u.b.e.” ka arritur në 218.423 klikime. Afërsisht kaq kanë edhe përgjimet e tjera të publikuara një vit më parë. Ato ishin incizuar gjatë hetimeve kundër ish-ministrit Fatmir Limaj për korrupsion.
Ishin shpërndarë 12 ditë pasi Prokuroria u kishte dhënë kopje të përgjimeve gjykatës, të akuzuarve dhe avokatëve të tyre.
Publikimi i tyre zbuloi aferën tashmë të njohur si “afera pronto” dhe ndasitë e mëdha në mes të Hashim Thaçit, Adem Grabovcit, Sami Lushtakut, Vlora Çitakut në njërën anë dhe Jakup Krasniqit e Fatmir Limajt, në anën tjetër.
Prokurori thotë se ende është duke e hetuar se kush i publikoi përgjimet telefonike të zyrtarëve të shtetit dhe të PDK-së.
Prokurori thotë se ende është duke e hetuar se kush i publikoi përgjimet telefonike të zyrtarëve të shtetit dhe të PDK-së.
Misioni i BE-së në Kosovë ka thënë për gazetën se Prokuroria Themelore e Prishtinës është duke e hetuar publikimin e përgjimeve.
EULEX-i ka refuzuar të japë detaje të tjera për këtë çështje.
“Zyra e Prokurorisë Speciale e Kosovës (SPRK) ka ngritur një aktakuzë në rastin e Ministrisë së Transportit dhe Telekomunikacionit më 16 nëntor të vitit 2012.
