Përtej faktit se këtë verë këngëtarja shqiptare nga Maqedonia, Altuna Sejdiu, ka qenë në qendër të vëmendjes, ajo nuk vonon shumë të na përcjellë lajme të reja. E njohur më së shumti si Tuna, kohët e fundit edhe si “zogu”, ajo ka publikuar në profilin e saj zyrtar në rrjetin social Facebook disa fotografi që komentuesit duket se i kanë pritur thuajse me të njëjtin reagim.
Këngëtarja ka zgjedhur që të veshë në një prej koncerteve të saj një veshje të ngjashme me atë që ka përdorur gjatë xhirimeve të videoklipit të këngës “Fenix”. Veshja e ngjitur pas trupit të saj, njëlloj si ajo që e shoqëron në “Fenix” është komentuar po aq shumë sa ajo. Tashmë komentuesit thonë se me fotot e reja Tuna është kthyer në një zebër, pasi veshja e saj e bardhë, e shoqëruar me viza të zeza ka bërë që format e saja trupore të mos lënë më përshtypjen e një zogu, por tashmë të një zebre.
Ndërkohë që e reja tjetër që na vjen nga Tuna është fakti se ajo pritet që të dalë së shpejti në një performancë me Arilena Arën, vajzën fituese të X-Factor Albania. Vajza fituese e edicionit të këtij viti ka qenë njëkohësisht edhe nxënësja e këngëtares maqedonase. Tuna më parë, gjatë njërës prej netëve të këngëve live, ka deklaruar se me siguri që një bashkëpunim i saj me Arilenën do të bënte namin. Mendohet që ky bashkëpunim do të vijë si një ndër këngët pjesëmarrëse të edicionit të ri të Këngës Magjike, i cili sapo ka filluar të prezantojë këngët e para. Sesi do të jetë kjo paraqitje mbetet të shihet në të ardhmen.
Social Plugin