Kandidatët për "Topin e artë" ?

FIFA është mbledhur në Cyrih, per ta zyrtarizuar listën e parë të kandidatëve për "Topin e artë", e cila  do të bëhet zyrtare më 29 tetor.

Në këtë listë të parë të madhe, gjenden disa lojtarë të Barcelonës si Leo Messi (fitues aktual), Neymar, Andres Iniesta, Sergio Busquets, Gerard Pique, Dani Alves, Javier Mascherano, Xav Hernandez e Jordi Alba. Në listë do të jenë edhe lojtarët e Real Madridit, Cristiano Ronaldo, Sergio Ramos dhe ish lojtari Mesut Özil. Ndër rivalët e fortë janë edhe futbollistët e Bayern Munich, përfshirë këtu Franck Ribery, Arjen Robben e Philipp Lahm, plus ylli i Borussia Dortmundit, Robert Lewandowski. Për ta fituar këtë çmim prestigjioz në luftë do të jenë edhe Yaya Toure nga Manchester City e Didier Drogba nga Galatasaray. 

Nga trajnerët, Jupp Heynckes është favorit pasi i fitoi tre trofetë më të rëndësishëm me Bayern Munich.