Fëmijët që mësojnë të flasin shpejt, bëhen “pijanecë”

Fëmijët që mësojnë të flasin dhe të lexojnë më herët se të tjerët, ka shumë mundësi që kur të rriten  

ta duan pijen më shumë sesa duhet.

Ky është përfundimi në të cilin ka dalë një studim finlandez që mori nën vëzhgim 3000 binjakë. 

Ata që kishin folur ose lexuar më parë, kishin dy herë më shumë mundësi të konsumonin më shumë alkool se vëllai apo motra e tyre pasi rriteshin.

Studimi nuk tregon nëse të folurit më shpejt çon në probleme varësie ndaj alkoolit.

Udhëheqësi i studimit, Antti Latvala, nga Universiteti i Helsinkit, siç transmeton TCh theksoi se “Njerëzit kanë përshtypjen se njerëzit që janë më të zgjuar dhe që lexojnë libra, janë të mbyllur. Por, këta njerëz kërkojnë gjithmonë aventura, kanë më shumë miq dhe e ekzagjerojnë me pijen ndonjëherë.”