Ushtari N: Ja si u vra Princesha Diana

Orët e fundit Princesha Diana i kaloi me të dashurin e saj, Dodi Fayed. Çifti që kishte një marrëdhënie të fshehtë, është fotografuar ulur në ndenjësen e pasme të një makine Mercedes, kur Diana bashkë me miliarderin egjiptian, po largohej nga hoteli Ritz në Paris.

Por çfarë ndodhi pas dy minutave udhëtim me makinë? Një snajper i Forcave Speciale Ajrore, i njohur si ushtari N, pretendon se, Diana u vra pikërisht nga forcat e SAS (Forcave Speciale Ajrore të Britanisë së Madhe) pas studimit të të gjitha të dhënave, raporton "Daily Mail".                 

Shumica e cilëson pretendimin një teori konspirative, pasi deri tani janë shkruar miliona fjalë për vdekjen e Dianës më 31 gusht të vitit 1997. Dy hetimet e policisë franceze dhe britanike kanë dalë në përfundimin se ishte një aksident tragjik. Një hetim tjetër që përfundoi pesë vite më parë doli me të njëjtin konkluzion.

Dëshmitarët thonë se, në tunelin ku ndodhi aksidenti nuk ndodhej vetëm paparaci që po ndiqte Dianën. Është zbuluar se aty ndodhej dhe një motor i zi, shumë i fuqishëm që nuk i përkiste asnjë paparaci. Dëshmitarë të ndryshëm kanë treguar se aksidenti u shkaktuar pikërisht nga drejtuesi i motorit dhe personi që ndodhej me të.

Shumë hetimet përfshijnë në këtë ngjarje hijen e SAS-it si edhe dy anëtar të shërbimit të inteligjencës britanike MI6. Dyshimet për përfshirjen e tyre bëhen edhe më të besueshme, nisur nga fakti se Diana sapo ishte divorcuar nga Princi Çarls, dhe ajo ishte një “ferrë” për Familjen Mbretërore, edhe pse marrëdhënie e saj me Dodin kishte vetëm gjashtë javë që kishte nisur.